I september 2010 signerte NTNU ei avtale med NAROM (Nasjonalt senter for romrelatert opplæring) om å gå inn i det nasjonale studentsatellittprogrammet ANSAT. Sjå artikkel om signeringa hos NAROM (artikkel hos NAROM).

I løpet av fire år skal studentar ved NTNU designe, bygge og vere med å skyte opp ein liten satellitt. Satellitten er 10 x 10 x 20 cm stor, og kan vege opp til to kilo.

Her på NTNU ynskjer prosjektet å komme i kontakt med interesserte studentar og faglærarar som har interesse innanfor området. Det meste av arbeidet med satellitten skal organiserast som studentoppgåver i samband med prosjekt- og masteroppgåver.

For vårsemesteret 2011 er det lagt ut oppgåveforslag ved Institutt for elektronikk og telekommunikasjon, Institutt for teknisk kybernetikk og Institutt for datateknikk og informasjonsvitenskap. Det kan også vere mogleg med oppgåver innafor andre fagfelt.

Ynskjer du meir informasjon om oppgåver og prosjektet i heilheit, ta kontakt med prosjektleiar Roger Birkeland eller sjå prosjektnettstaden på http://www.iet.ntnu.no/projects/studsat.